Qindra studentë të Universitetit të Tiranës, kanë bojkotuar mësimin dhe po protestojnë përpara Ministrisë së Arsimit. Studentët kërkojnë që të ulen tarifat e pagesës së Universitetit, si dhe të shtyhet data e afatit.
Sipas “Newsbomb.al”, situata është agravuar dhe mësohet se studentët kanë qëlluar me vezë dhe sende të tjera të forta godinën e Ministrisë së Arsimit.
E njëjta situatë raportohet edhe në Universitetin e Elbasanit, ku studentët kanë bojkotuar mësimin dhe janë ngritur në protestë për të njëjtën kauzë.
Ministrja e Arsimit Lindita Nikolla kërkoi të takohej me një përfaqësi të studentëve, për t’u njohur me kërkesat e tyre. Mirëpo, studentët e refuzuan një kërkesë të tillë dhe kërcënuan se do të vijojnë me protestat.
