Një person i armatosur hapi zjarr në një koncert në Florida, ndërsa këngëtarja Christina Grimmie ishte duke dhënë astrografë për fansat e saj. Ish-konkurrentja, e cila u bë e njohur nga programi muzikor televiziv amerikan “The Voice”, ndërroi jetë.
Policia lokale deklaroi se këngëtarja u qëllua nga një person teksa nënshkruante autografe për fansat, pas një koncerti në Orlando. Agresori, i cili u ndalua nga vëllai i Grimmie, më pas vrau veten.
Këngëtarja 22-vjeçare ndërroi jetë pak më vonë në spital për shkak të plagëve të rënda. Në vitin 2014, Grimmie doli e treta në sezonin e gjashtë të spektaklit “The Voice”.
Përmes një mesazhi në Twitter, policia e Orlandos u shpreh: “Me keqardhje të thellë na duhet të konfirmojmë se zonjushë Christina Grimmie u nda nga jeta për shkak të plagëve”.
Ndërsa stafi i saj shkroi: “Me zemër të thyer njoftojmë se Christina u nda nga ne dhe shkoi në shtëpinë e Zotit”.
Ndërkohë, një hetim policor ka nisur për të zbuluar se si i dyshuari ka arritur të hyjë në koncert me armën e zjarrit dhe shkakun e vrasjes së këngëtares. Policia i atribuoi merita vëllai të viktimës, prej të cilit nuk patën më viktima, pasi arriti të ndalonte agresorin.
Burimi: The Guardian
