Sara Hoxhën, që deri më tani të gjithë e njihnim si partnerja e reperit Ledri Vula, do ta mbajmë mend gjithashtu edhe si konkurrenten e “Dancing With the Stars”.
Sara është një prej konkurrenteve të kësaj gare që ka surprizuar për mirë jurinë dhe publikun. Ajo ka treguar se ka talent në kërcim dhe natën e parë i habiti të gjithë me performancën e saj.
Tepër e zhdërvjellët në skenë sikur të kishte kohë që praktikonte kërcimin, mirëpo për të arritur këtë rezultat i është dashur tepër punë. Vetë Sara ka treguar në një postim në InstaStory sakrificat që i duhet të bëjë gjatë pjesëmarrjes në spektaklin e kërcimit.
Këmbët e saj janë bërë “copë”, siç e tregon më së miri kjo foto:
“Dikush të më ndihmojë”- shkruan Sara krahas postimit.
Megjithëse nata e parë rezultoi një sukses për të, Sara tregoi se nuk kishte dashur që partneri i saj Ledri të ishte prezent në publikun në studio. Kjo pasi kishte patur tepër emocione dhe nuk donte akoma më shumë të tilla, duke patur edhe Ledrin në publik.
Reperi e pa Sarën në ekran nga shtëpia, së bashku me vajzën e tyre Poem Blu. Ndërsa mamaja, babai dhe gjyshja e Ledrit kishin ardhur në studio për ta mbështetur.
