Lidhja mes Morena Tarakut dhe miliarderit iranian Sasha Sobhanit ka qenë ndër më të komentuarat në media, ndërkohë rikujtojmë se pasi ata u ndanë, nga ana e të dyve pati reagime jo fort të hijshme.
Morena e quajti atë gay, ndërkohë ai menjëherë pas ndarjes publikoi në Instagram video ku shfaqej i rrethuar nga shumë femra pothuajse të zhveshura plotësisht, mirëpo aktualisht duket se të dyja palët janë qetësuar dhe po ecin përpara me jetët e tyre.
Do thoni ju, po Vildane Zeneli ç’hyn në këtë mes?
Më datën 11 prill të këtij viti, Sasha publikoi një foto në Insta Story ku shfaqej Vildanja, mjaft sexy, ndërkohë, miliarderi kishte mbivendosur një emoji të zjarrit.
Kaq mjaftoi që ky postim të interpretohej si një fiksim që ka ai ndaj Vildanes, dhe një tjetër detaj që “iconstyle.al” vuri re asokohe ishte që në shumë postime të dyshes, ndjekësit përkatës i bënin tag atyre. Pra, thënë më qartë: Kur modelja shqiptare publikonte diçka, ndjekësit e saj i bënin tag Sashës dhe e anasjellta.
Që u nda nga Morena Taraku tashmë e dimë, por ç’po ndodh mes miliarderit iranian dhe Vildane Zenelit?
Së fundmi, Sobhani ka publikuar një foto në llogarinë e tij krah së cilës shkruan: “Mendjet e mëdha mendojnë vetëm.”
Në këtë pikë, sërish u shfaq “prezenca” e Vildanes e cila i komentoi: “Diçiturë e mirë. Jam dakord!”
Kaq tani për tani, se çfarë do të ndodhë në vijim mes të dyve mbetet për t’u parë…
