Skip to content
ICONSTYLE
Celebrity

Që thoni ju, Kanye nuk e pëlqeu look-un e famshëm të Kim-it në Met Gala dhe qenkan zënë për të!

10:17 14/10/19E Hoxha

Episodi i së dielës në “Keeping up with the Kardashians”, zbuloi një debat që ka pasur Kim Kardashian-me bashkëshortin e saj Kanye West për veshjen e saj të mahnitshme në tapetin e kuq të Met Gala që u mbajt në maj 2019.

Kim u rendit në listën e të veshurave më bukur për korsenë super të ngushtë dhe fustanin e Thierry Mugler, që dukej sikur sapo kishte dalë nga dushi.

Lexo edhe :

Por bashkëshorti i saj Kanye West nuk ishte dakord për veshjen super seksi të Kim dhe ia shprehu këtë pak para se të shkonin në Met Gala.

Kështu, pasi Kim kishte 8 muaj që përgatitej për fustanin, Kanye, u zgjua një ditë të bukur dhe tha që nuk i pëlqen veshja pasi është tepër e ngushtë.

“Jam në një lloj tranzicioni, kur shikoj këto vajzat e tjera dhe vajzën time. Gruaja ime ka nevojë të duket si vajzat e tjera, të shfaqë trupin e saj, të shfaqë këtë, të shfaqë atë dhe nuk e kuptoja që kjo ndikonte te unë, te shpirti im si dikush që është i martuar dhe i dashuruar dhe baba i katër fëmijëve. Korseja është një veshje e brendshme. Është seksi. Është sikur të thuash: për kë je bërë seksi?

“Po më krijon një ankth vërtet të keq … nuk kam nevojë për më shumë energji negative”, ia ktheu Kim e mërzitur.

“Ti je gruaja ime dhe kjo ndikon te mua kur fotot janë shumë seksi”, ia ktheu Kanye.

“Ti më shndërrove në këtë person seksi dhe me besim në vetvete! Vetëm sepse ti je në një udhëtim dhe në një proces transformimi, nuk do të thotë që unë jam në të njëjtin vend me ty”, u përgjigj Kim e inatosur.

Më pas Kanye tha me qetësi “në rregull” dhe u largua nga dhoma, duke i dhënë fund bisedës, pak para së Kim e habitur të drejtohej nga miqtë e saj në dhomë duke thënë: “Kjo është absolutisht qesharake”.

Fansat shpërthyen menjëherë me reagime në Twitter, duke mbajtur anën e Kim-it sigurisht:

Vazhdo leximin