E dimë që të gjithë mezi po prisni të nisni plazhin, por temperaturat e ditëve të fundit na i kanë prishur planet!
Java nisi me reshje të dendura shiu dhe ulje temperaturash dhe kështu do të vijojë të paktën deri të mërkurën, sipas metereologëve.
Meteoalb ka sqaruar për “News 24” se temperaturat do të shënojnë rritje duke nisur nga e mërkura.
“Rënia vijon edhe të hënën por e marta rrit lehtë temperaturat në vend, më e ndjeshme gjatë mesditës. E mërkura dhe në vijim sjellin rritje të ndjeshme të temperaturave; priten maksimume 30°C”.
“Orët vijuese, paraqiten me shira të intensitetit deri mesatar në të gjithë vendin. Orët e pasdites zhvendosin shirat ne zonat Jugore – Jugperëndimore. Po ashtu, dita e martë dhe e mërkura mbeten me shira afatshkurtër ndërsa pjesa tjetër e javës, sjell diell dhe temperatura te larta 29- 30 grade C”, sqarohet ndër të tjera në njoftimin e “News 24”.
E pra, ditët me diell janë shumë afër, vetëm bëni durim!
