Para se të martoheni duhet të kaloni shumë eksperienca në çift, në mënyrë që të jeni gati për hapin tuaj të madh. Është e vërtetë se martesa ndryshon disi marrëdhënien. Ndaj bëni një listë me këto 10 gjëra që duhet të kaloni si të dashur para se të bëheni burrë e grua:
1.Udhëtoni së bashku
Edhe në qoftë se ju keni udhëtuar shumë me veten, me miqtë apo ish-partnerët, është mirë që para se të martoheni të largoheni disa herë me bashkëshortin e ardhshëm. Kjo për shkak se në rrugë do të dilni nga e zakonshmja “zonë komode” dhe mund të zbuloni diçka nga partneri, duke përfshirë reagimet ndaj ngjarjeve të paparashikuara.
2.Kaloni disa grindje
Grindjet me partnerin tuaj janë të rëndësishme sepse secili prej jush mëson se si të menaxhojë konfliktin dhe se si ta zgjidhë atë. Më mirë të keni pasur disa diskutime të nxehta para se të martoheni, sepse e dini se çfarë lloj “armiku” është partneri juaj.
3.Diskutoni financat
Më mirë që të ketë një bisedë mbi financat, pronat, investimeve, duke përfshirë borxhet, kështu që nuk ka surpriza të pakëndshme.
4.Bashkëjetoni
Nëse e keni të mundur është mirë të jetoni bashkë të paktën një periudhë kohe para martesës. E vetmja mënyrë që të dini veset dhe virtytet e partnerëve, si dhe zakonet e organizimit dhe pastërtisë. Më mirë ta dini përpara se çfarë ju pret.
5.Bëni një plan 5-vjeçar
Planifikimi, edhe pse gjithnjë e më i vështirë në një botë pasigurish, mund të jetë një mënyrë e shkëlqyer për të kuptuar drejtimin që do të merrni së bashku, nëse do të merrni me qira një shtëpi apo do të aplikoni për një kredi. Nëse do t’i kushtoni disa vjet argëtimit dhe udhëtimit dhe pastaj të mendoni për fëmijët dhe kështu me radhë.
6.Tregoni anën më të keqe tuajën
Kur jeni të dashuruar çdo gjë është duke ecur mirë dhe të metat e tjera shfaqen si unike dhe të durueshme. Por askush nuk është i përsosur, dhe është më mirë për të shfaqur anën më të keqe tonën, para se të lidhemi përjetë me partnerin.
7.Flisni për fëmijët
Një martesë në të cilën një partner kërkon fëmijë dhe tjetri nuk do të ketë është e destinuar të përfundojë. Kjo është një çështje që duhet të sqarohet menjëherë.
8.Bini dakord për ndarjen e shpenzimeve në shtëpi
Një ndarje e shpenzimeve në shtëpi mbi të cilën nuk është rënë dakord, ose konsiderohet si e padrejtë mund të çojë në pakënaqësi dhe debate. Edhe nëse nuk ju duket aspak romantike, edhe në këtë rast vlen motoja e famshme “marrëveshje të qarta, miqësi të gjata”.
9.Diskutoni pritshmëritë e ndërsjella rreth martesës
Çiftet duhet të ndajnë jo vetëm qëllimet personale, por edhe qëllimet e përbashkëta, për të ecur në të njëjtin drejtim. E ardhmja së bashku duhet të jetë një përpjekje e përbashkët: Gjëja e rëndësishme është që pritshmëritë e ndërsjella të jenë realiste.
10.Duhet t’i njihni shumë mirë familjet e njëri-tjetrit
Familja e partnerit mund të ju ndihmojë të mësoni se me ccfarë personi do ta kaloni jetën dhe e anasjelltas.
