Moderatorja Dojna Mema ndan gjithmonë me ndjekësit e saj detaje të shumta lidhur me shtatzëninë. Moderatorja pritet të sjellë në jetë fëmijën e saj me Vlashent Satën, por nuk e ka pritur dhe aq mirë një pyetje të cilën ia ka drejtuar një prej ndjekësve të saj. Gjatë një bisede virtuale, Dojna u pyet nëse do të ketë një lindje natyrale apo çezariane.
Dojna ka thënë se ka dashur gjithmonë që ta evitojë këtë pyetje pasi i duket e pavend.
“Kjo është nga ato pyetjet që unë do ta kisha evituar, por për sa kohë kam një Instagram publik, dua ti diskutojmë edhe ca gjëra që ndoshta shumë vajza që janë shtatzëna, bezdisen nga pyetje të caktuara. Sidomos shprehja “do ta bësh vetë apo me operacion”, më duket totalisht e pavend, sepse krijon këtë idenë sikur në rastin e parë ti e bën vetë, në rastin e dytë nuk e bën vetë, ndërkohë që në të dyja rastet është nëna ajo që sjell në jetë fëmijën dhe mbetet një heroinë e vërtetë që kalon procesin e lindjes, sidoqoftë ai, natyral apo ai çezarian. Unë e kam lënë deri në momentin e fundit, do të jetë doktoresha ajo që do të më thotë cila është më e mira për mua”, është shprehur Dojna.
