Larja e fytyrës në dush mund ta dëmtojë lëkurën tuaj, pasi ju nuk mund ta matni temperaturën e ujit.
Ky zbulim erdhi nga “HelloGiggles”, që thotë se lëkura e fytyrës tonë është shumë e ndjeshme dhe për arsye se ju nuk e matni dot nxehtësinë e ujit në kohën kur bëni dush, ajo mund të shkaktojë dëme serioze në lëkurë.
Ekspertja e lëkurës, Dr.Tanzi, tha për “The Gloss” se i këshillon pacientët e saj që ta lajnë fytyrën në lavaman.
“Ju mund ta matni temperaturën në mënyrë më efikase dhe duhet të përdorni ujë të vakët në të ftohtë, pasi është më mirë për lëkurat delikate”, thotë Tanzi.
Zakonisht ne bëjmë dush të nxehtë, por nëse e lajmë fytyrën me ujë të nxehtë mund të shkaktojë dëme, duke e lënë lëkurën tonë të dehidratuar dhe të thatë.
Gjithashtu, nëse ju vuani nga skuqja e fytyrës, uji i ngrohtë vetëm do ta përkeqësojë atë, duke zgjeruar kapilarët e gjakut dhe duke krijuar nishane.
