Para pak ditësh Arbenita Ismajli tregoi se ajo dhe Fero kishin lënë pas të gjitha keqkuptimet dhe ishin kthyer në krahët e njëri-tjetrit. Ajo publikoi një video, ku shihej duke përkëdhelur nga koka reperin, ndërkohë që ai qëndronte në celular. (Lexo Këtu)
Gjatë muajit shtator dyshja e njohur ishin në qendër të vëmendjes mediatike, pasi shumë shenja të çonin drejt përfundimit se nuk ishin më bashkë. Fero dhe Arbenita nuk ishin parë më në shoqërinë e njëri-tjetrit dhe pasi nisën thashethemet ata filluan të mos ndiqeshin më në rrjete sociale. (Lexo këtu) Më pas reperi çaktivizoi llogarinë e tij në Instagram, ndërsa Arbenita publikonte shprehje duke treguar se ndihej e mërzitur.
Mirëpo tashmë gjithçka mes tyre i është kthyer normalitetit dhe Arbenita nuk është kursyer fare në publikimin e një videoje intime me Feron. Videoja e postuar sot është realizuar në 11 tetor dhe të dy ata shihen të shtrirë në shtrat me njëri-tjetrin. Reperi shfaqet duke i dhuruar puthje të shumta dhe përqafuar të dashurën e tij, ndërkohë që ajo shijon përkëdheljet.
Shpresojmë që pas këtyre momenteve kaq romantike mos të kemi më ndarje, sepse të gjithë fansat duan t’i shohin përherë bashkë Feron dhe Arbenitën.
