Njëra prej puntatave të “Për’puthen” ngjalli debat të madh në studio pas puthjes së Sarës dhe Rinianit në prapaskenë.
Ndërkohë që Sara tha se puthja e tyre kishte ndodhur padashje gjatë takimit si shokë dhe kishte qenë vetëm një fragment sekonde, Riniani e mohoi duke u shprehur që Sara e kishte bërë qëllimisht dhe ajo ishte vërtetë një puthje.
Teksa diskutohej për këtë veprim mes tyre, Arjan Konomi ndërhyri duke u shprehur se këndvështrimi i secilit për puthjen varet nga mentaliteti.
Arjani tha se Sara ka një mentalitet perëndimor, sipas të cilit njerëzit puthen në buzë për t’u përshëndetur në shoqëri dhe s’ka asgjë të keqe.
Mirëpo, këtu ndërhyri Elvisi, i cili tha se puthja në buzë nuk është aspak çështje mentaliteti dhe debati i tyre u nxeh kur Arjani i kërkoi konkurrentit të mos komentonte për këtë pjesë, pasi nuk dinte mjaftueshëm.
View this post on Instagram
Elvisi e vazhdoi debatin jashtë emisionit duke publikuar foto të vulave të pasaportës së tij, ku tregonte se kishte udhëtuar në vende të ndryshme të Europës, si një kundërpëgjigje për Arjanin.
Ky i fundit ka vazhduar ironitë në llogarinë e tij, duke shpërndarë një artikull të së përditshmes australiane mbi puthjen.
“Artikull i te perditshmes australiane mbi puthjen miqesore”, ka shkruar me ironi Arjani mbi atë postim.
Po ashtu, ai “thumboi” me një tjetër postim lidhur me xhunglën, teksa shkruan “Xhunglës së Amazonës ia gjen zgjidhjen, por xhunglës së njerëzve si i bëhet?”
