Spikerja e cila u bë e njohur pas prezantimit në televizionin “Zjarr Tv”, me dekoltenë e hapur, është pushuar nga puna.
Lajmin e ka bërë të ditur vetë pronari i televizionit, , Ismet Drishti, i cili është shprehur se bashkëpunimi me Greta Hoxhën është mbyllur këtu.
I kontaktuar nga “Panorama”, humoristi i njohur është shprehur se mes tyre ka pasur “mosdakordësi” për disa çështje,e kjo ka sjellë edhe largimin nga puna të Hoxhës.
“Nuk do doja ta bëja publike arsyen pse është shkarkuar. Unë kam qenë vetë punonjës dikur, dhe siç nuk ka dashur unë që pronarët të flisnin për mua kur kam pasur shkarkime, as punonjësve të mi nuk do t’u vinte mirë që unë të flisja për arsyen”, është shprehu Drishti.
Dhe menjëherë pas largimit të saj, është gjetur zëvendësuesi. Bëhet fjalë për një djalë.
Aldo Sulollari do të zëvendësojë Gretën, madje edhe në veshje. Ai shihet në edicionet informative e me gjoksin jashtë, pasi tashmë është bërë “ritual” në këtë televizion.
