Jugu i Shqipërisë do të jetë destinacioni kryesor i pushimeve për shumicën e shqiptarëve këtë vit. Sipas një sondazhi të organizuar nga “Iconstyle.al”, 43,7% e votuesve do të pushojnë në bregdetin shqiptar.
Kjo jo për shkak të dëshirës për të qendruar në Shqipëri, por për shkak të mundësive financiare. Ndërkohë 26,8% e personave që zgjodhën t’i kalojnë jashtë kufijve pushimet, e bënë këtë për shkak të dëshirës për të udhëtuar në vende të tjera. Dhe kush paguan për këto pushime?
Epo, ne jemi një popull që kursejmë kur bëhet fjalë për qejf, ndaj dhe 56% e votuesve kanë kursyer, ndërsa 18% të tjerë janë thjesht me fat që kanë një babi me punë e rrogë të mirë.
Megjithatë nuk jemi shumë kursimtarë sa u përket shpenzimeve për veshjet që marrim me vete gjatë pushimeve. Votuesit jo vetëm që kanë thënë se do të marrin 2 valixhe, por edhe shpenzojnë paraprakisht përr rroba të reja vere, para pushimeve.
Burimi: Iconstyle.al
