Pavarësisht viteve, ajo vazhdon të mbetet një nga femrat më të bukura të botës së televizionit. Inis Gjoni ka arritur të mbajë formën fizike të shumë viteve më parë, kohë kur ajo ishte balerinë profesioniste.
Por Inisi ka pasur gjithnjë një sens mase, duke e bërë publikun që ta marrë malli për të.
Ajo nuk ka sjellë ndonjë gjë të re kohët e fundit, ndërkohë që është prezente në evente të rëndësishme, si dhe në kopertina të ndryshme revistash, ku vijon të jetë super e kërkuar edhe për shkak të pamjes së bukur që ka.
Jo rrallë ka preferuar që të pozojë bashkë me të bijën, duke u veshur njësoj dhe të dyja bashkë ngjajnë një mrekulli.
Kohët e fundit, Inisi është fotografuar në plazhin e Golemit dhe pikërisht për këtë arsye u aludua se po bënte plazh ekonomik.
Në fakt, jo të gjithë mund ta dinë që Inisi gjatë gjithë jetës së saj nuk ia ka kursyer asnjëherë vetës luksin që i është dashur. Ka pasur gjithmonë makina të shtrenjta dhe veshje markash. Edhe këto kohë, pavarësisht se nuk është në ekran, ajo në jetën e përditshme vishet me marka, të cilat ndonjëherë i ndan edhe në rrjete sociale, si p.sh. Gucci, Chanel, etj.
