Pas mbarimit të sezonit të katërt të “Shiko kush luan”, Luana u arratis nga Shqipëria dhe ditët e ftohta të dimrit. Moderatorja udhëtoi drejt Dubait, vend në të cilin shumë personazhe të famshëm e kanë përzgjedhur si destinacion në këtë kohë pandemie. Gjatë këtyre ditëve ajo ka publikuar imazhe të shumta nga pushimet e saj dhe ka treguar se i ka shijuar në maksimum.
Madje ditën e sotme ajo ka provuar një nga eksperiencat më unike, që e ka konsideruar edhe si çmendurinë më të madhe të jetës. Luana ka treguar se sot është hedhur nga një ndërtesë shumë e lartë dhe kjo gjë i ka falur emocione e adrenalinë pafund. Moderatorja ka treguar ndarë me ndjekësit e saj çdo hap të kësaj eksperiencë dhe përkrah videove të postuara në Instagram ka shkruar: “Kjo është çmenduri. Tani është radha ime”. Postimet i ka mbyllur me kaq, sepse ndoshta më vonë ajo do të tregojë me detaje se si e ka përjetuar këtë eksperiencë sa të frikshme, po aq edhe të veçantë e të bukur.
Kunjojmë se sezonin e “Shiko kush luan” ajo e mbylli në fund të janarit dhe e konsideroi si më të vështirin nga të gjithë për shkak të pandemisë. Madje moderatorja zbuloi se për shkak të stresit të madhe që ka përjetuar brenda 1 viti ka humbur 10 kilogramë nga pesha.
“Unë e kam stresin me të dobësuar. Këtë sezon jam dobësuar shumë, sepse ka qenë një nga më të vështirët, por fatmirësisht më i suksesshmi në “Shiko kush luan”. Dhe kam humbur nga vjet sivjet, plot 10 kile. Por kam përshtypjen se edhe pandemia, fakti që po qëndronim në shtëpi ka ndikuar, sepse aty fillova mora këtë pjesën e dobësimit dhe nuk po ndalem më, vazhdoj të bie pa dëshirë”, tregoi Luana.
