Olsi Bylyku është aktori i njohur i humorit i njohur me emrin “Kimikati” nga programi humoristik “Portokalli”.
Ai ka qënë i ftuar së fundi në emisionin “Adrenalinë” në In Tv ku gjatë lojrave të zhvilluara aty, u “detyrua” të tregojë edhe kuptimin domethënës të tatuazhit në shpatullën e tij.
“Kjo është e gjithë historia ime deri më tani ‘filmi i jetës sime’. Është kamera këtu që po kap gjithë fotografitë, gjithë pjesët më të rëndësishme të jetës sime që nga lindja”- ka thënë Olsi përballë gazetares së emisionit.
Gjatë shpjegimit të tatuazhit ai zbuloi të gjitha punët që ka bërë, para se të bëhej i famshëm.
“Skelat, kur kam punuar me lyerjet, kamerier,“Portokallia”dhe gjërat që do vazhdojnë, por kam edhe një që shkruan poshtë ‘Mbaj mend fillimin’”- ka shtuar më tej aktori i humorit.
