Ajola Xoxa ndihet shumë krenare për punën e bashkëshortit të saj si kreu i Bashkisë së Tiranës.
Sot ka bërë një postim falenderues për atë që Erion Veliaj ka bërë për Tiranën, për të cilin thotë se ndihet shumë krenare.
“Po e postoj këtë mesazh të Erit sepse vërtet, vërtet, jam shumë krenare për punën aq të bukur që ai ka bërë me Tiranën. E ka zemrën të mbushur me dashuri për këtë qytet, mbase më shumë se kushdo tjetër. Je më i miri zemër”, shkruan ajo.
Por ky mesazh ka hasur mjaft replika nga komentuesit, të cilëve Ajola nuk ka ngurruar t’u kthejë përgjigje. Njëra shprehet se punët e Veliajt në Tiranë nuk mund t’i shohësh as me dylbi dhe se ai më shumë bën publicitet sesa punë të vërtetë:
“Të krenohesh kaq shumë me punë që nuk mund t’i shikosh as me dylbi , ku infrastruktura mund të jetë më e zhvilluar në fshatrat e Shqipërisë sesa në lagjet e Tiranës. Është për të ardhur keq ne çfarë realiteti po jetojmë ku shohim përditë masakra që i bëhen vendit tonë. Më shumë është i foksuar të bëjë reklama në media sikur po bën diçka ama në të vërtetë s’ka bërë asgjë. Kështu që më mirë të fokusohet në projekte dhe punë që vërtetë i vlejnë Tiranës sesa të bëjë publicitete në instagram. Një punë që vërtet vlen nuk ka nevojë për publicitet. Unë personalisht nuk mbështes asnje parti politike pasi asnje parti deri me sot nuk ka menduar per atdheun e tij dhe popullin por ka menuar se si ta siguroje jeten e tij edhe pasi eshte larguar nga ai post. Në qoftë se dëshironi mund ta fshini këtë koment, mund të më fusni bllok apo mund të bëni cfarë ju keni dëshire ama e verteta dhemb por nuk mund të ndryshohet”, shkruan komentuesja.
Por Ajola i kthehet se nuk ka nevojë për dylbi për të parë punët e Veliajt me Pazarin e Ri, Parqet e Lojërave apo gjelbërimin e Liqenit dhe dhe Kalanë e Tiranës.
“Me thënë të drejtën, nuk kam nevojë për dylbi që të shoh Pazarin e Ri, të çoj djalin tek Parku i Lojërave tek Liqeni, të shëtis rreth liqenit dhe ta shikoj pa frikë dhe duke u gëzuar per gjelbërimin e tij, të eci ne Bulevardin e Ri, tek Kalaja e Tiranës, etj etj etj. Tani une e kuptoj që ti këtu je me mision kundërshtues, dhe e di se edhe ti vetë e kupton absurdin e qëndrimit tend, por e mira në jetë eshte me qenë, të paktën, të vërtetë”.
