Moderatorja bukuroshe, Floriana Garo, largua nga programi “Jo vetëm modë”, për të nisur jetën e re në Zvicër. Ajo jeton me të fejuarin Enis Daci dhe së shpejti pritet të bëhet dhe nënë.
Floriana këtë periudhë po shijon shtatzëninë por ndryshe nga çfarë e kishim menduar ne, bukuroshja nuk po rri në shtëpi. Ajo është më aktive se kurrë më parë.
E ftuar sot në “Kush vjen për drekë”, moderatorja u shpreh se nuk qëndron në shtëpi, por ditën e ka të zënë me punë duke zbuluar edhe punën që po bën aktualisht në Zvicër.
“Njerëzit mbase kanë idenë se unë rri në shtëpi, kujdesem për veten, jo, unë nuk rri fare në shtëpi. Unë ngrihem herët në mëngjes, shkoj në kurs frëngjishteje, më pas shkoj në zyrën time, pranë zyrave të bashkëshortit tim dhe merrem me pjesën e marketingut dhe PR të zyrës së avokatisë së tij. Ndërkohë po menaxhoj dhe nj qendër biznesi që ne kemi atje”: rrëfeu Floriana.
