Dy ditë më parë, reperi shqiptar, Gold AG publikoi këngën e tij të re.
Edhe pse në karantinë, ai përgatiti për fansat e tij këngën me titull “Shkronjat e arta”.
Kënga u prit mjaft mirë nga publiku, pasi ajo u dedikohej ushtarëve të UÇK-së.
Në tekstin e këngës, Gold AG përmendte edhe deklaratën e bujshme të Shkëlzen Gashit, dhe kjo duket se i ka hapur probleme.
Burime për “Prive.al”, bëjnë me dije se reperi është thirrur nga policia për të dhënë një deklaratë lidhur me këngën e re.
Nuk dihet ende se ku qëndron problemi me këngën, megjithatë pritet të mësohet në vazhdim
Kujtojmë se në fillim të muajit mars, Gold AG i dha fund beqarisë në një ceremoni shumë private.
Ai ende nuk e ka zbuluar imazhin e partneres, pasi në një deklaratë të dhënë pak ditë më parë tha se bashkëshortja nuk dëshiron të bëhet pjesë e mediave.
