Truprojat kanë për qëllim që të kujdesen për sigurinë e personat që i kanë punësuar, por në disa raste e kalojnë cakun.
Një rast i tillë është dhe ai i ditës së djeshme, kur kryetari i opozitës Lulzim Basha po zhvillonte një takim me qytetarët e Pogradecit.
Teksa Basha takon qytetarët dhe parakalon në rrugë, dy truprojat e tij kujdesen që t’i hapin rrugën dhe t’i largojnë njerëzit. Në një moment kreu i PD ndalet nga një qytetar dhe pasi bisedon diçka me të, Basha tenton të largohet, po ai e mban prej dore për të përfunduar mendimin e tij.
Politikani më pas largohet, por zotëria bën gjestin për t’i thirrur dhe pikërisht në këtë moment ai qëllohet me grusht në bark nga truproja.
Gjeste të tilla kanë nxitur shpesh debate edhe në rastet kur kanë qenë truprojat e personazheve të famshëm, si modelë apo artistë.
Kush merr masa për rastin e djeshëm?
