Filmimi tregon vrasjen fatale të një 24-vjeçareje nga policia. Videoja është xhiruara nga kamerat e vendosura në unfiormën e një efektivi në San Jose, Amerikë. Katër policët, që e ngatërruan viktimën me një të dyshuar për vrasje në tentativë, janë lënë të lirë.
Ndërsa ngjarja u shënua në Ditën e Krishtlindjeve të kaluara, sot për herë të parë mediat publikojnë videon 78-sekondëshe. Si arsye për lirimin e katër policëve është fakti që, ata nuk kishin arsye të besonin se nuk ishte personi i kërkuar.
“Sipas fakteve ishte një përgjigje e ligjshme nga një kriminel i mundshëm i armatosur, që duket se paraqiste kërcënim për sigurinë publike”, thuhet në vendim.
Një dëshmitar mësohet t’u ketë thënë policëve se ishte hapur zjarr, ndërsa i kishin drejtuar te makina ku ishte e ndjera. Pas verifikimeve ata zbuluan se automjeti ishte i vjedhur.
Pasi efektivët e ndoqën për 14 km, shoferja u gjend mes një gardhi me tela. Ajo u paralajmërua disa herë nga policët se, do ta qëllonin me armë nëse nuk dilte nga makina, por refuzoi.
Burimi: Daily Mail
