Një video intime e ish-çiftit Nicole Scherzinger dhe Lewis Hamilton është bërë publike në internet nga hakerat.
Në klipin e publikuar, ish-këngëtarja e Pussycat Doll dhe kampioni i Formula 1 shihen teksa putheshin dhe përqafoheshin në shtrat.
Sipas The Sun, videoja e xhiruar në shtëpi u publikua të dielën dhe është parë 286.000 herë vetëm mbrëmjen e publikimit.
Pamjet e Scherzinger dhe 34-vjeçarit Hamilton – të cilët u ndanë në vitin 2015 pas tetë vjet lidhjeje- vazhdonin për dy minuta e gjysmë dhe ishin filmuar duke përdorur një telefon celular.
“Nicole do të jetë zemërthyer tani që pamjet e tilla janë publikuar në internet”, tha një burim për The Sun. “Nuk ishte menduar kurrë se do të bëheshin publike”.
Video dyshohet të jetë filmuar nga vetë këngëtarja, telefoni i së cilës është hakuar më pas.
