Netflix ka publikuar ‘trailer’-in e pjesës së dytë të filmit “365 Days” i cili do të shfaqet më 27 prill.
Një nga aktorët protagonist, Michelle Morrone, njoftoi në “Instagram”:
“Pritjes i erdhi fundi. Massimo dhe Laura janë kthyer. 365 Days ‘This Day’ po vjen në Netflix, 27 prill. Jeni gati?!”
View this post on Instagram
Filmi i parë tregon historinë e një gruaje të re të quajtur Laura e cila është e burgosur nga një mafioz sicilian i quajtur Massimo për 365 ditë, me qëllimin që ajo të dashurohet me të.
Filmi i dytë do të ndjekë Laurën dhe Massimon teksa ata tentojnë një marrëdhënie të vërtetë, ndërkohë që duhet të përballen me besnikërinë familjare të Massimos dhe një burrë misterioz dhe të pashëm që hyn në jetën e Laurës.
Sipas People, “365 Days” pati një sukses të menjëhershëm pas publikimit të tij në vitin 2020, duke u ngjitur në top 10-she në 90 vende të botës dhe ishte filmi më i shikuar në platformë pas debutimit të tij.
Megjithatë, filmi hasi në kritika të ashpra për portretizimin e tij seksual, veçanërisht duke tërhequr pretendime se ai romantizonte rrëmbimin dhe manipulimin.
Është raportuar se ky film i ardhshëm është pjesa e dytë e një trilogjie dhe se është xhiruar së bashku me filmin e tretë. 365 Day bazohet në romanin polak 365 Dni nga Blanka Lipińska.
