Është publikuar trailer-i i ri i serialit super të famshëm amerikan, “The Blacklist”.
Këtë vit, supriza e madhe do të jetë kasti i aktorëve të rinj, mes të cilëve edhe një emër i njohur për shqiptarët.
Aktori shqiptar nga Kosova, Kushtrim Hoxha do të jetë pjesë e një prej episodeve të serialit aksion ‘The Blacklist’, që pritet të dalë në mars të vitit 2020.
Në videon e publikuar në YouTube, Kushtrimi shfaqet përkrah personazhit kryesor, të shumëkërkuarit nga FBI, Raymond Reddington (James Spader).
Ky i fundit dorëzohet në polici, bashkë me një listë të zezë kriminelësh, dhe ndihmon një oficere policie, Elizabeth Keen (Megan Boone), të zbardhë krimet më të mëdha, me kusht që të qëndrojë pranë saj.
“The Blacklist” është transmetuar fillimisht në vitin 2013, dhe shikueshmëria e tij e madhe , ka bërë të vijojë e sot e kësaj dite.
Bashkangjitur gjeni videon e plotë të trailer-it:
