Të tjera detaje nga gjyqi Amber Heard-Johnny Depp kanë dalë në dritë. Aktorja pretendon se Johnny e ka sulmuar duke e lënë me buzë të përgjakur.
Madje, avokatët e saj u përpoqën që ta vërtetojnë me foto këtë gjë. Por pretendimi i tyre u rrëzua nga gjykatësi sepse fotoja nuk u dorëzua në kohë.
Mirëpo, TMZ ka publikuar foton.
Ekipi i shtypit i Depp thotë se fotoja nuk përputhet me kohën e akuzave të saj.
Heard pretendoi në dëshminë e saj se Johnny e goditi atë në gojë gjatë një debati.
“Ju e dini që ai mban shumë unaza. Në atë moment ndjeva sikur buza ime u ngjesh totalisht te dhëmbët. Aty më doli gjak…”, thotë Heard.
Është e njëjta foto që ekipi ligjor i Heard donte t’i tregonte gjykatësit, por ekipi i Depp kundërshtoi duke thënë se avokatët e Amber nuk e dorëzuan kurrë foton gjatë fazës së zbulimit të detajeve të çështjes. Gjykatësi u pajtua me avokatët e Depp, kështu që fotografia nuk u vendos kurrë si një provë.
Ekipi i Depp e përgënjeshtron foton dhe thotë se është e vitit 2012.
Çështja Heard-Depp ende vijon! Aktori ka marrë një mbështetje akoma edhe më të madhe nga fansat e tij së fundmi.
