Publikohet ajo që njihet si intervista e Kim Kardashian me policinë menjëherë pas grabitjes së saj në Paris. Intervista u publikua nga gazeta franceze, “Le Journal du Dimanche” dhe përmban informacione të panjohura për publikun. Dokumenti prej gjashtë faqe përfshin atë që ndodhi hap pas hapi mbrëmjen e grabitjes së Kim.
Në orët e para të mëngjesit të 3 tetorit Kim doli jashtë apartamentit dhe thirri jashtë. Kur askush nuk u përgjigj ajo telefonoi truprojën e saj në orën 02:46. Menjëherë pas asaj telefonate, dy burra të maskuar me uniformën e policisë hynë në dhomën e saj dhe e lidhën. Një nga ata pyeti për unazën e saj. Ajo veproi sikur nuk e kuptoi se për çfarë po fliste, kur ai i drejtoi një armë, ajo i tregoi unazën 4 milionë dollarëshe me diamant afër tavolinës.
“Ai më drejtoi armën. Mori unazën. Ai mbante veshur dorashka. Më pyeti ku ishin bizhuteritë dhe paratë”, tha Kim.
“Më grabitën dhe më çuan në korridorin e hyrjes. Unë isha veshur me robdishan, nudo poshtë. Më pas u kthyen në dhomë dhe më hodhën në krevat. Aty më lidhën me ngjitëse dhe litar plastik te duart, më pas më mbyllën gojën dhe më lidhën këmbët. Më tërhoqën për në tualet, te vaska për të qenë më e saktë”, vijoi ajo.
Kim shtoi se mes gjërave të vjedhura ishin dy byzylykë me diamante, një varëse floriri me diamante, varësja dhe vathët me diamante Lorraine Schwartz, një orë Rolex dhe një varëse me emrin Saint me diamante.
Policia franceze ka arrestuar 17 persona, që besohet se janë përgjegjës për grabitjen.
Burimi: Cosmopolitan
