Princ Harry dhe Meghan Markle kanë nisur zyrtarisht që të shpërndajnë ftesat e dasmës. Kensington Palace njoftoi mëngjesin e djeshëm se ftesat “po shpërndahen në emër të Lartmadhërisë së Tij, Princit të Uellsit” (babait të dhëndrit, Princit Çarls).
Të ftuarit zyrtarë të dasmës mbretërore duhet të presin që të marrin këtë ftesë të mrekullueshme të realizuar nga kompania “Barnard and Westwood”, që ka realizuar prej vitesh ftesat për dasmat e familjes mbretërore, që nga viti 1985.
Ftesat kanë një dorëshkrim elegant dhe simbolin e Princit të Uellsit në ngjyrë ari.
Në ftesë u kërkohet marrësve që të bëhen pjesë e ceremonisë martesore të 19 majit në kishën St. George dhe pritjen e drekës në vijim, që do të organizohet nga Mbretëresha. Rreth 600 persona janë ftuar në këtë ditë të veçantë.
Ftesa madje përfshin edhe kodin e veshjes:
“Veshja: Uniformë, pallto ose kostum. Veshja e ditës me kapele”.
Më vonë gjatë ditës do të ketë një darkë të organizuar nga Princ Çarles, ku do të ftohen rreth 200 persona.
Using American ink on English card, the invitations are printed in gold and black, then burnished to bring out the shine, and gilded around the edge. pic.twitter.com/gQpC6tDot0
— Kensington Palace (@KensingtonRoyal) March 22, 2018
