Portieri Aldo Teqja do të lërë shumë shpejt ambientet e spitalit të Traumës, ku ndodhej që pasi u rrëzua nga kati i gjashtë i pallatit ku jetonte.
Në fillim u raportua se portieri ishte vetëhedhur nga ballkoni pas një konflikti me partneren e tij, por ky lajm u mohua nga familjarët e Teqjës.
Në një foto të publikuar nga klubi i tij i futbollit Partizani, portieri duket shumë në formë dhe i rikuperuar. I ulur në një karrige ai shihet se është në gjendje të lëvizë nga shtrati, pas problemeve me shtyllën kurrizore.
Pranë tij shihen drejtori i përgjithshëm Olsi Rama dhe trajneri italian Franco Lerda.
Njoftimi i Partizanit:
Klubi njofton se gjendja shëndetësore e portierit Aldo Teqja është drejt përmirësimit të plotë. Shumë shpejt pjestari i skuadrës pritet të lërë ambientet e spitalit të Traumës. Klubi dhe tifozët vazhdojnë t’i qëndrojnë pranë Aldos përgjatë gjithë periudhës së qëndrimit të tij në ambientet e spitalit.
