Më 19 korrik të këtij viti, sipas dëshmisë së Xhisiela Malokut ajo u dhunua nga ish-i dashuri Rexhep Rraja në dhomën e një hoteli në Fushë-Krujë.
Nga dosja hetimore u publikua një foto e 25-vjeçares dhe djalit të deputetit të PS-së, duke qëndruar pranë makinës së Rrajës.
Në foton e shkëputur nga kamerat e sigurisë së hotelit, dyshja shihet duke u puthur ose përqafuar, në ambientet e jashtme të një hoteli në Fushë-Krujë, në pasditen e 19 korrikut.
Pikërisht kjo është edhe data për të cilën Xhisiela shkoi 11 ditë më pas, për të bërë denoncimin para ish-oficerit Emiljano Nuhu. Më 30 korrik Xhisiela tregoi se në atë datë është takuar me Rexhep Rrajën dhe pas një debati me tone të ashpra në makinën e tij, nën kërcënimin e armës e ka dërguar në hotel. Në dhomë ajo tregon se është dhunuar nga djali i ish-deputetit të PS-së, është djegur me cigare në këmbë prej tij dhe është goditur në kokë më qytën e pistoletës.
Ajo rrëfeu për oficerin e policisë se konflikti nisi pas ndarjes mes çiftit, i cili pati një lidhje 5-vjeçare, gjatë periudhës 2012-2017.
Pasi denoncimi i saj u bë publik në media, Xhisiela Maloku mohoi të gjata akuzat që kishte bërë pak muaj më parë, duke i justifikuar me motivin e xhelozisë së saj ndaj Rexhep Rrajës.
Burimi: BalkanWeb
