Të rralla janë rastet kur këngëtarja Genta Ismajli ndan me ndjekësit e saj në rrjete sociale poza të vjetra të të kaluarës.
Mirëpo, ajo nuk i ka rezistuar dot një fotoje shumë të ëmbël kur ishte në moshë fare të vogël dhe ende nuk e njihte askush.
Genta ka ripostuar në InstaStory pozën e saj, ku duket një vogëlushe topolake me flokët e prera shkurt.
Me sytë që i qeshin, ajo ka parë drejt kamerës dhe na i rrëmbeu zemrat me ëmbëlsinë e saj.
Këngëtarja vazhdon të ruajë të njëjtat tipare, megjithëse së fundmi ka luajtur shumë me pamjen e saj.
Disa javë më parë ajo u kthye në bjonde platin dhe thuajse s’e njohëm fare.
Megjithatë, Genta hoqi dorë shpejt nga ky look dhe iu rikthye ngjyrës së përhershme, asaj origjinales.
