“Shijak Tv” ka siguruar diplomën e ministres së Arsimit Lindita Nikolla, ku rezulton se mesatarja e specialitetit është 5.9, ndërsa ajo e përgjithshme është 6.8.
Në diplomën e bërë publike, sqarohet se në vitin 1984 – 1985, Lindita Lleshi Gjergji nisi studimet e larta në Universitetin e Tiranës “Enver Hoxha”, pranë Fakultetit të Shkencave Natyrore në degën e matematikës. Por duket se ministrja ka dashur të ndryshojë degën, por në fund nuk ia ka arritur dot.
“Në tre vitet e para të shkollës ka patur këto rezultate: Mesatarja e përgjithshme 6.8; Mesatarja e specialitetit 5.9; Mesatarja e lëndëve shoqërore 7.25” – shkruhet në materialin e publikuar.
Menjëherë ka reaguar ish-zëvendës ministri i Arsimit Taulant Muka, i cili ka kërkuar që të bëhen publike të gjitha diplomat e stafeve pedagogjikë të universiteteve.
‘Ministrja Nikolla ju quan ngelësa, por vetë ka mesataren e gjimnazit 5.8! Prandaj sot është e nevojshme të kërkojme bërjen publike të diplomave- rektor, dekanë, shefa departamenti dhe profesora’, – shkruan ish-zv.ministri.
Burimi: Newsbomb.al
