Klipi i ri i Luana Vjollcës sapo u publikua duke zbuluar kështu se cila është kënga e ripërpunuar të cilën e ruante mister prej disa ditësh.
Luana paralajmëroi se do të ishte një duet në të cilin kësaj radhe ajo është e ftuar. Gjithashtu, paralajmëroi se do të ishte një ripërpunim i një kënge të njohur shqiptare, sikurse vitin e kaluar “M’i dhe flakë mallit tim” që risolli një këngë të njohur të Bujar Qamilit.
Pak minuta më parë, klipi i ri u publikua në Youtube dhe është pikërisht “Moj bjondinë me sytë e zi”, në bashkëpunim me grupin ikonë të muzikës kosovare, “TNT”.
Kënga i përshtatet më së miri Luanës, e cila prej vitesh mban pikërisht këtë look: bjonde me sytë e zinj.
Ishin muzikantët e grupit “TNT” ata që e ftuan Luanën të bëhej pjesë e kësaj risjelljeje dhe kënga është përfunduar brenda rreth një jave.
Në klip, shfaqet Luana me një fustan të bardhë dhe buzë të kuqe, në një ambient të frymëzuar nga rrëfenjat me vajzat e fshatit.
Grupi “TNT” është rikthyer fuqishëm këtë verë.
Ata kanë publikuar në Youtube disa variante live të këngëve të tyre më të njohura.
Ky është i dyti ripërpunim që ata e përfshijnë në bashkëpunim me një këngëtar të njohur të momentit.
Vetëm disa javë më parë, publikuan variantin e ri të këngës së famshme “200 ditë” me Capital T.
Ky është bashkëpunimi i dytë i Luanës për këtë verë, pas “Sonte” që u publikua një muaj më parë.
