Dita e premte ka nisur me një super aksion që në orët e para të mëngjesit në Tiranë.
Një prej ndërtesave “më të famshme” në kryeqytet, ajo prej xhami e cila ishte ndërtuar në pjesën hyrëse të stadiumit “Arena Kombëtare”, është prishur!
Tani që punimet për stadiumin janë drejt përfundimit, kjo ndërtesë katërkatëshe ku kishte kafene, sallon bukurie dhe fast-food, do të lirojë edhe më shumë hapësirë për parkim.
Kjo hapësirë do t’u shërbejë të gjithë tifozëve që do të zgjedhin të shohin ndeshjet nga “Arena Kombëtare”. Për shembjen e kësaj ndërtese ka reaguar edhe kreu i Bashkisë së Tiranës, Erion Veliaj, i cili e quajti “çibani i fundit”.
“Çibani i fundit! Ikën ngrehina e mbetur nga aksi qendror i Tiranës për ta hapur plotësisht Sheshin “Italia” për Arenën Kombëtare. Shpronësim për ata me leje, prishje për të fortët që shtuan katet pa leje në kohë të Lulit e Kunatit famëkeq”, shkruan Veliaj teksa publikon fotot e shembjes!
