Historia e përndjekjes së Luana Vjollcës nga 32-vjeçari Besmir Lila bëri bujë.
Gjatë gjykimit të çështjes janë publikuar mesazhet me përmbajtje imponuese dërguar në numrin personal të moderatores.
Sipas vendimit, Luana është përndjekur sistematikisht nga Lila, në mënyra të ndryshme. Ai i ka dërguar lule, mesazhe me foto në celular dhe ndjekje fizike.
Madje në prill të këtij viti, i dashuri i Luanës është zënë me përndjekësin në zonën e Unazës së Re, në Tiranë.
U vendos se mesazhet e mësipërme, dhe në mesazhe të tjera të dërguara në numrin personal të Luanës, konstatohen foto me përmbajtje poshtëruese, deri në përmbajtje pornografike.
Besmir Lila u dënua me 6 muaj heqje lirie në fund të korrikut, përfitoi ulje të një të tretës së dënimit nga gjykimi i shkurtuar dhe e ka konsumuar pothuaj gjithë periudhën e dënimit në paraburgim, shkruan “Panorama”. Si rrjedhim, pritet të lirohet së shpejti.
Në arsyetimin e gjykatës thuhet se Lila i ka ushtruar presion të vijuar Luanës për të nisur një lidhje me të. Kështu, gjykata arsyeton se Lila i ka shkaktuar me qëllim moderatores një gjendje të rëndë ankthi e frike për sigurinë vetjake.
