Balerini shqiptar, Kledi Kadiu, i cili u bë i famshëm në Itali nga pjesmarrja në “Amici”, dhe partnerja e tij 18 vjet më e re, Charlotte Lazzari, i dhanë fund beqarisë në një ceremoni private me miq e të afërm.
Lajmi u bë i ditur që ditën e dasmës më 29 qershor, por ndërkohë vetëm sot patëm mundësinë të shohin 44-vjeçarin të veshur me kostum dhe partneren e tij 26-vjeçare me një fustan të bardhë shumë elegant.
Në foto dyshja duket shumë bukur, të buzëqeshur dhe me vajzën e tyre pranë si dëshmitare e këtij momenti të madh.
Ata janë bashkë prej 5 vjetësh dhe janë prindër të një vajze të bukur që quhet Lea, e cila është 2 vjeçe.
Për martesën ishte folur prej kohësh po pas lindjes së Leas, Kledi tha se do t’i përqendroheshin vetëm rritjes së vajzës:
“Për momentin nuk është në planet tona të martohemi, tani do t’i dedikohemi Leas”.
Dhe kështu bënë, të paktën deri pak ditë më parë. E vogla u rrit dhe Kledi vendosi të bëjë hapin e madh.
Ai balerin dhe ajo instruktore joge, lidhja e tyre ka qenë shumë e fortë që prej fillimit, pavarësisht diferencës në moshë prej 18 vitesh, që nuk ka qenë asnjëherë pengesë për ta.
Burimi: Iconstyle.al
Ndalohet kopjimi dhe ribotimi pa lejen e redaksisë
