Vetëm pak ditë më parë, moderatorja e mirënjohur e emisionit “Dua të të bëj të lumtur” Arbana Osmani, u përfol se është larguar nga televizioni “Top Channel”.
Fillimisht u tha se ka pasur një përplasje mes saj dhe drejtorit të televizionit, Ben Blushi për një vlerësim më të lartë monetar.
Mirëpo, pavarësisht aludimeve të shumta, nuk pati asnjë reagim nga vetë Arbana dhe ajo ka vijuar programin e saj si normalisht.
Mirëpo cila është arsyeja pse ajo u largua?
Kjo pyetje prej ditësh është trajtuar në media si një lloj enigme!
Ndërkohë, së fundmi, “gazetamapo.al” raporton se “molla e sherrit” është bërë një postim i Arbanës në faqen zyrtare të emisionit “Dua të të bëj të lumtur” dhe që kishte lidhje me partnerin e saj, regjisorin Eduart Grishaj.
“Sherri ka nisur për shkak të publikimit të videoklipit të Xhensila Myrtezajt, të realizuar nga Eduart Grishaj, në faqen e emisionit që drejtohet nga Arbana. Drejtuesit e televizionit i kanë kërkuar Arbanës që ta heqë këtë postim nga faqja e ‘Dua të të bëj të lumtur’, por ajo ka kundërshtuar, duke thënë se është emisioni i saj, ajo është autorja dhe ka të drejtën të hedhë gjërat që dëshiron”, shkruan “gazetamapo.al”.
Në vijim, ngjarja ka rrjedhur kështu! Drejtuesit e “Top Channel” i kanë thënë se ajo është autorja e emisionit, por emisioni në vetvete është pronë e TCH.
Pas konfrontimit, thuhet se Arbana ka vendosur të largohet, por eprorët i kanë bërë të ditur se ndërprerja në mes e sezonit, shkakton dëme. Pas gjithë këtij kalvari ngjarjesh, Arbana ka grisur letrën e dorëheqjes dhe ka vendosur të qëndrojë.
