Taylor Swift dhe partneri i saj, ylli i NFL, Travis Kelce, nuk ishin të pranishëm në Met Gala këtë vit — por arsyeja është fare e thjeshtë.
Sipas TMZ, çifti i famshëm, që prej vitit 2023 janë në një lidhje shumë të komentuar, mori ftesë për të marrë pjesë në eventin më të madh të modës, por e refuzuan për shkak të angazhimeve personale dhe dëshirës për të shijuar pak kohë private.
Burime për revistën PEOPLE thanë se Taylor dhe Travis janë duke kaluar një periudhë të qetë dhe të bukur së bashku, pas përfundimit të sezonit të NFL dhe pushimeve të “Eras Tour”. “Ata kanë udhëtuar pa ndalesë dhe e kanë shijuar pafund,” – u shpreh një burim i afërt. “Po shfrytëzojnë çdo moment së bashku, shpesh edhe me miq të përbashkët. Është një kohë e veçantë për ta.”
I njëjti burim shtoi se çifti është “shumë serioz dhe në harmoni”, duke theksuar se ata “vlerësojnë të njëjtat gjëra dhe aktualisht janë të fokusuar tek koha private, larg vëmendjes së medias”.
Për Kelce, kjo do të kishte qenë pjesëmarrja e tij e parë ndonjëherë në Met Gala, ndërsa Swift, e cila ka qenë një figurë kryesore në tapetin e kuq të këtij eventi, nuk ka marrë pjesë që nga viti 2016, kur ishte bashkë-prezantuese në galanë me temën “Manus x Machina: Fashion in an Age of Technology”.
