Një 35-vjeçar nga Lezha tentoi t’i japë fund jetës së tij për herë të dytë, pasi nuk e lejonin të takonte fëmijët e tij. Ai e ka fituar këtë të drejtë me një vendim gjykate, por ky vendim nuk po zbatohet, dhe tashmë familjarët e ish-bashkëshortes nuk e lejojnë që të takojë fëmijët.
Saimir Zalli vendosi që t’i bënte keq vetes për të tërhequr vëmendjen e shtetit, në mënyrë që t’i zgjidhej problemi i tij. Herën e parë ai hipi mbi një vinç, dhe kërcënoi se do të hidhej prej atje, nëse nuk ia zgjidhte njeri hallin.
Saimir Zalli pasi i ka vënë flakën vetes
Ndërsa sot, veprimi i tij ka tronditur të gjithë kalimtarët para Parlamentit, ku Saimiri i vuri flakën vetes.
Ndërhyrja e forcave të policisë në momentin e duhur
Vëllai i 35-vjecarit nga Lezha, ka thënë se Saimirin nuk e lejojnë të takojë fëmijët që ka me ish-bashkëshorten, me të cilën është ndarë në vitin 2015. Nga ana tjetër, bashkëshortja e akuzon 35-vjeçarin se ka ushtruar dhunë ndaj fëmijëve dhe ndaj saj, dhe kjo është arsyeja që ajo e pengon t’i takojë.
Vëllai rrëfen se është tmerruar kur ka parë Saimirin të televizion. Në fakt raste të tilla të ngjashme, janë përhapur shumë në Shqipëri. Personat që kërkojnë të zgjidhin hallet dhe problemet, zgjedhin t’i bëjnë keq vetes për të tërhequr vëmendjen e autoriteteve.
Në muajt e fundit numërohen mbi 7 raste që shqiptarët kanë kërcënuar me hedhje nga vinçi, me djegie apo me hedhje nga tarraca e ndonjë pallati, vetëm që problemi i tyre të zgjidhjet.
Psikologët shpjegojnë se, ndonjëherë njerëzit që i bëjnë keq vetes, nuk janë të aftë të përdorin fjalët për të përshkruar përvojat e tyre të brendshme. Kjo mund të ndodhë për faktin se ata nuk dinë sesi të përshkruajnë emocionet, ose sepse ajo që po përjetojnë brenda mendjes së tyre, është e madhe për ta, ndaj ju duket se fjalët nuk mund të bëjnë drejtësi, ose se ato kanë rënë në vesh të shurdhër.
Në raste të tilla kur fjalët nuk janë në dispozicion ose nuk janë të përshtatshme për të mbajtur përvojën emocionale, ajo që i mbetet një personi që përpiqet ta përballojë atë përvojë, është ta shprehë atë fizikisht.
Në rastet me të mëdha për të cilat kemi qenë dëshmitarë, personat që e kanë lënduar veten, e kanë bërë para autoriteteve kompetente, ose “para syve të shtetit”, duke e parë si të vetmen rrugë dhe për të gjetur shpëtim. Këto raste janë i vetmi sinjal që këta persona japin në dëshpërim e sipër, për të gjetur zgjidhje nga ana e autoriteteve.
