Yolanda Hadid mbështeti vajzat e saj Gigi dhe Bella Hadid në rreshtin e parë të shfaqjes së “Victoria’s Secret” mbrëmjen e djeshme dhe shpërndau disa imazhe në “Instagram”, për të treguar se sa krenare ishte.
Gjithsesi një foto në veçanti shkaktoi polemika. Ishte pikërisht një imazh nga fëmijëria e Gigi-t dhe Bella-s, ku shfaqen pa asgjë të veshur, veç krahëve të engjëjve.
Yolanda e shpërndau foton me mbishkrimin: “17 vite pasi fotografova engjëjt e mi, sot është dita që ato do të ecin në shfaqjen e modës bashkë”.
Edhe pse komentet pasuese u fshinë, disa përdorues e gjetën imazhin të papërshtatshëm për promovim te mediave sociale.
Dikush komentoi, “Tërësisht nudo… foto e bukur për nënat tona, thjesht shumë perversë atje jashtë e shikojnë këtë në mënyra të ndryshme”, ndërsa një tjetër shkroi: “Kjo foto është një imazh i bukur për familjen, por jo i përshtatshëm për mediat sociale”.
Menjëherë pas komenteve reagoi edhe nëna e dy engjëjve të “Victoria’s Secret”: “Çdokush që ka tërheqje seksuale nga imazhi i pafajshëm i dy vogëlusheve 3 dhe 4 vjeç me krah engjëjsh ka një problem serioz për opinionin tim dhe duhet menjëherë të më bëj “unfollow” mua!”. Por a kanë të drejtë fansat?
Burimi: Harper’s Bazaar
