45-vjeçari Ajaks Boshnjaku, i cili u lirua pak orë më parë, pasi ishte arrestuar për përfshirjen në vrasjen në ish-Bllok, ka dhënë detaje të reja në dëshminë e tij.
Sipas biznesmenit, gjithçka nisi pas irritimit të viktimës Fabjol Gaxha me komandon Mervjol Bilo.
“Pasi janë ulur aty njëri prej personave (siç më rezulton mua personi që u vra) i është drejtuar shtetasit Mevjol Bilo duke i thënë “ o p.. motre pse shikon”, ndërsa Mevjol Bilo nuk ka folur fare. Ndërkohë ky person me pistoletë në dorë është drejtuar tek Mevjol Bilo duke i vënë pistoletën në kokë dhe më dorën tjetër e godiste me grushte në kokë dhe fytyrë. Ne të gjithë që ishim prezent nuk arritëm të lëviznim pasi personi ishte me armë në dorë dhe thërriste të mos lëviznim”.
Në këtë moment ka ndërhyrë edhe i fejuari i Elvana Gjatës, Ervin Mata, i cili gjithashtu u sulmua dhe u dhunua me grushte.
Dëshmia e plotë:
“Atë natë rreth orës 20:00 më ka telefonuar shtetasi Redi Popesku, dhe më ka ftuar me pirë një gotë verë në ambientin lokal dhe parfumeri të këtij shtetasi. Në atë moment unë kam qenë tek një lloto sportive pas presidencës në rrugicën e “Karsbergut” në këtë kohë kam shkuar me motorin tim “Scuter” tek lokali i Redi Popeskut. Kam zbritur nga motori dhe kam hyrë brenda dhe kam takuar Redi Popeskun, Ervin Matën, Mevjol Bilon, Tan Allushin, Geldon si dhe një person i cili dilte i cili quhet Ardi Baku. Pasi kam hyrë në ambientet e brendshme jam përshëndetur me të gjithë dhe kemi lluar të pimë nga një gotë verë. Unë jam ulur tek tavolina e dyta në anën e majtë, përballë kam patur shtetasin Mevjol Bilon, në krah të Mevjolit në krah të djathtë të tij ka qenë Redi Popesku, në krah të djathtë të Redit ka qenë avokatja e Redi Popeskut te cilës nuk ja di emrin, në krah të avokates ka qenë Geldo Hoti, në krah të djathtë të Gelgos ka qenë Ervin Mata ndërsa në krah të djathtë të Ervinit ka qenë shtetasi Tan Allushi. Ndërkohë që ishim ulur kemi bërë biseda normale mes miqsh. Në këtë moment kanë ardhur rreth 3-4 persona të cilët i shoqëronte Redi Popeskun, dhe ndërkohë është ngritur shtetas Ervin Mata cili ka takuar normalisht dhe janë ulur në ambientin e banakut. Pasi janë ulur aty njëri prej personave (siç më rezulton mua personi që u vra) iu ka drejtuar shtetasit Mevjol Bilo duke i thënë “o p.. motre pse shikon”, ndërsa Mevjol Bilo nuk ka folur fare. Ndërkohë ky person me pistoletë në dorë është drejtuar tek Mevjol Bilo duke i vënë pistoletën në kokë dhe më dorën tjetër e godiste me grushte në kokë dhe fytyrë. Ne të gjithë që ishim prezent nuk arritëm të lëviznim pasi personi ishte me armë në dorë dhe thërriste të mos lëviznim. Në këtë kohë Ervin Mata ka thërritur “Mos çfarë po bën” në këtë kohë personat filluan të godisnin më grushte me shkelma dhe Ervin Matën. Në goditje e sipër kam parë të rrëzohet në tokë shtetasi Mevjol Bilo, në këtë moment unë kam dëgjuar një të shtënë të cilën unë nuk kam arritur ta shikoj dhe as ta kuptoj se nga erdhi. Në këtë kohë jam larguar me vrap drejt derës për tu larguar, kur kam dalë kam pasur dhe cigare në dorë duke e pirë. Më pas unë nuk e di se si erdhi konflikti brenda ambientit. Kam marrë motorin dhe jam larguar për në banesë”.
