Selena Gomez, e cila ka një nga profilet më të ndjekura në “Instagram”, nuk poston shpesh në të. Por këngëtarja thotë që shpesh ajo e fshin aplikacionin nga telefoni. Arsyeja: Talljet dhe komentet që nuk i suporton dot, por i lexon.
“Nuk mund ta shmangësh ndonjëherë. E fshij aplikacionin nga telefoni im të paktën një herë në javë. Fiksohesh te negativet. Duket sikur ata duan që të prekin shpirtin tënd. Imagjino gjithë pasiguritë që ti ndjen tashmë për veten dhe të kesh dikë që shkruan një paragraf duke treguar gjithë gjërat e vogla – edhe pse mund të jetë vetëm fizike”, shprehet Selena.
Ishte ndryshe kur ajo ishte e re, jeta ishte më gëzuar për shkak të mungesës së mediave sociale. Madje në një intervistë më herët këngëtarja ka thënë se ajo as nuk i ka pasur fjalëkalimet e profileve të saj.
“Sapo u bëra personi më i ndjekur në “Instagram”, u frikësova. Po më konsumonte shumë. Thjesht zgjohesha dhe shkoja për të fjetur. Isha shumë e fiksuar”.
Gomez zbuloi gjithashtu për “Vogue” një sekret: “Më pëlqejnë shumë gjërat depresive”. Selena ka zbuluar gjithashtu se ajo ndihet shumë krijuese kur është e mërzitur.
Burimi: Elle
