Naomi Watts nuk i ka shpëtuar dot paparazit gjatë momentit që ndodhej në metronë e Nju Jorkut.
Aktorja 48-vjeçare është fotografuar nga një fans që postoi një foto të saj në metro, por nuk e ka lënë me kaq. Ajo e kishte fotografuar fansin dhe më pas e kishte postuar foton për 667 mijë ndjekësit e saj në “Instagram”.
Në qershorin e vitit të kaluar, fotografia Aubrey Lofgren ishte me pushime në Nju Jork kur pa në metro të ulur përballë saj Naomi Watts.
Shkrepi një foto të aktores që shihte telefonin e saj dhe e postoi në “Instagram”, ku shkruan: “E bukura Naomi Watts sot në metro”. Aktorja nuk e la me kaq.
Vetë Naomi postoi në profilin e saj në “Facebook” një foto që mendohet të jetë Aubrey, që është me telefon në dorë dhe është duke bërë foto, në të njëjtën ditë.
“Kujtove se do ma hedhësh?”, shkruan Naomi të shoqëruar me hashtagët ‘të kapa’, ‘foto’ dhe “skena në metro”.
Pas kësaj, vetë Aubrey rrëfeu në “Instagramin” e saj se në foto ishte vetë ajo, të shoqëruar me diçiturën “E shkatërruar!”
Megjithëse këto postime kaluan pa u vënë re vitin e kaluar, u bënë virale tashmë pasi një përdorues i “Twitter” bëri lidhjen mes postimeve dashamirëse.
Burimi: Daily Mail
