Princesha Charlotte është një nga fëmijët më të pasur në botë. Madje ajo gëzon një pasuri më të madhe edhe se dy vëllezërit e saj, Princ George dhe Louis.
“The Mirror” shkruan se kjo ka ndodhur për shkak të ndikimit të nënës së saj, Kate Middleton, e cila njihet për shijen e hollë në veshje dhe qasjen ndaj modës.
Një studim ka dalë në përfundimin se Charlotte ka një vlerë pasurie prej 3.5 miliardë paund, pak më e lartë se pasuria e George prej £3.4 miliardë.
“Edhe pse vlera e pasurisë së saj neto ka rënë me 12% që nga viti 2021, ajo ende tejkalon vëllain e madh princin George, me sa duket për shkak të ‘efektit Kate Middleton’, ku moda në stilin e veshjes së familjes mbretërore mund të ketë një ndikim të madh te tendencat e modës, thuhet në artikullin e gazetës britanike.
Çdo veshje që mban Princesha e Uellsit në trup, shitet pothuajse menjëherë dhe Charlotte ka trashëguar aftësinë e nënës së saj për të ndikuar dhe nxitur ekonominë përmes zgjedhjeve të modës.
Ashtu si Kate, moda e Charlotte përfshin krijime nga stilistë të famshëm, por edhe të panjohur.
