Në daljet e tyre publike Kate dhe William nuk shfaqen asnjëherë të kapur për dore, ndërsa e kundërta ndodh me çiftin e ri Meghan-Harry.
Arsyeja? Ekspertja e gjuhës së trupit, Myka Meier gjatë një prononcimi për “People” ka treguar se nuk ka të bëjë aspak me rregullat që ka familja mbretërore. Sipas saj, kapja e duarve dhe afeksioni në publik, është një formë që tregon kohëzgjatjen e angazhimit të çiftit.
“Ndonëse kapja e duarve dhe afeksioni në publik i Meghan dhe Princ Harry-it, mund t’ju duken sjellje atipike për angazhimet mbretërore, ky është një gjest që tregon në këtë rast unitet dhe se çifti ka shumë pak kohë që ka zyrtarizuar lidhjen e tyre. Nuk ka asnjë rregull në protokoll ku thuhet se ata nuk mund të tregojnë dashuri në ceremoninë e zyrtarizmit të fejesës, përkundrazi. Kjo i bën ata më të afërt dhe më të pëlqyeshëm për publikun”, u shpreh Meier.
Gjithashtu ajo ka treguar se një tjetër arsye shumë e rëndësishme, është evenimenti në të cilin ata marrin pjesë. Deri më tani, Princ Harry dhe Meghan Markle nuk kanë qenë të pranishëm në një ceremoni serioze, si përfaqësues të familjes mbretërore, ndryshe nga Kate dhe Princ William, pasi në të kundërtën sjellja e tyre do të ishte më serioze. Kjo gjë do të ndryshojë me kalimin e kohës dhe për Meghan e Princ Harry-in.
