Klaudia Pepa, balerina e njohur shqiptare, duket se po përjeton ndryshime të mëdha në jetën private, përtej angazhimeve të saj profesionale dhe postimeve të shumta në rrjetet sociale. “Panorama” zbulon se lidhja e saj romantike, që kishte zgjatur rreth dy vite, ka përfunduar.
Marrëdhënia, e cila kishte nisur me shumë premtime dhe dashuri, ka kaluar në një fazë të vështirë muajt e fundit, duke çuar në ndarjen e çiftit. Edhe pse lidhja e tyre ishte shumë private, Klaudia kishte pranuar në të shkuarën ndjenjat e saj në intervista dhe momente publike.
Dy vite më parë, ndërsa ishte pjesë e jurisë së “Dance with Me”, Klaudia konfirmoi historinë e dashurisë gjatë një momenti të veçantë në emision. Gjatë një performance të Cindy Marina në “Dance Albania”, ajo përmendi këngën “Perfect” të Ed Sheeran si këngën e saj të dashurisë, duke nënkuptuar se ishte e dashuruar.
Pavarësisht ndarjes, Klaudia ka vendosur të mos ndalojë ritmin e saj të ngjeshur të punës dhe nuk ka ndarë asnjë detaj në rrjetet sociale rreth përfundimit të kësaj historie. Ajo vazhdon të jetë e fokusuar tek karriera, duke lënë pas ndarjen në heshtje dhe duke ruajtur privatësinë e saj.
