Pasi showgirl-i Aurela Hoxha dhe fotografi Endrit Mertiri u pajtuan, ata realizuan disa foto të bukura plazhi për t’u rikthyer në rrjetin social Instagram.
Marrëdhënia që kanë bashkë dhe kimia që ekziston mes tyre, u pëlqen shumë fansave, madje ka dhe nga ata që mendojnë se mes dyshes duhet të ketë më shumë se shoqëri.
Ketë herë një komentuese kureshtare i ka drejtuar Aurelës një pyetje të çuditshme:
“Pse nuk martoheni bashkë”, pyet ajo në foton ku Endriti mban në krah Aurelën.
“Sepse është im vëlla”, i është kundërpërgjigjur modelja duke bërë kështu dhe vajzën të pendohet dhe më pas ka shpjeguar se pyetja lindi ngaqë të dy shkojnë fizikisht shumë.
“Mos ma merr për keq se nuk është se e njoh marrëdhënien tuaj, por duke qenë se shkoni së bashku, të paktën fizikisht, ndaj e bëra pyetjen”, i kthehet komentuesja.
