Mund t’i vendosin shumë pseudonime që lidhen me fjalën “si çun”, por në fakt e gjitha ka të bëjë me karakterin e fortë të Ronela Hajatit. Këngëtarja shqiptare njihet për tipin e saj të drejtpërdrejt dhe nuk e ka aspak problem që t’i shpreh gjërat hapur.
“Do bëj një këngë me çunat. Si qenkam unë më e fortë se çunat dhe t’i po të më futesh në dru tani unë bie përtokë. Por flasim për forcën morale që duhet të transmetojmë, se ashtu me dorë nuk zgjidhet gjë”, u shpreh Ronela gjatë emisionit “Top Show”.
Por ajo që do t’ju duket sa për të qeshur dhe sa e vërtetë është mesazhi që ajo dha për meshkujt:
“Kam një mesazh për meshkujt, se ju ka vdekur komplet të jenë çik kavalierë, janë injorantë, nuk e di. Se thonë pastaj, “pse nuk gjen burrë?”. Ulesh në tavolinë me njërin flet për një libër, për një shkrim, për një poezi, “po ku di unë nga këto”. Unë këtyre as u denjoj t’u ulem në tavolinë, por shoh gojëdhënat e shoqeve të mia. Injoranca është gjëja e parë që nuk e toleroj te një mashkull”.
Ndërsa në asnjë moment nuk pohoi dhe nuk mohoi nëse është një person përkrah saj i veçantë, një gjë është e sigurt që ajo s’do të ndryshojë asnjëherë prej dikujt:
“Mua nuk ma mbledh dot njeri. Nuk jam lace, por mendoj se një njeri nuk duhet të ndryshoj kurrë nga një lidhje. Nëse ndryshon atëherë ndryshon karakterin”
