Edhe pse për shumë njerëz pica është ushqimi i preferuar, për qentë ajo mund të jetë e rrezikshme. Veterinerët paralajmërojnë se përbërësit kryesorë të picës nuk janë të përshtatshëm për sistemin tretës të qenve dhe mund të shkaktojnë probleme serioze shëndetësore.
Përbërësit problematikë
Djathi: Shumë qen nuk e përballojnë mirë laktozën dhe mund të shfaqin probleme me tretjen, diarre dhe fryrje.
Salamrat dhe mishi i përpunuar: Janë të pasur me kripë dhe erëza që mund të dëmtojnë veshkat dhe zemrën e qenit.
Qepa dhe hudhra: Edhe në sasi të vogla janë toksike për qentë, duke dëmtuar qelizat e gjakut.
Brumi me maja: Nëse është i pazier, mund të fermentohet në stomak, duke shkaktuar dhimbje të forta dhe rrezik helmimi me alkool.
Pasojat shëndetësore
Konsumimi i picës mund të sjellë të vjella, diarre, shtim të tepërt në peshë, probleme me pankreasin, e në raste më të rënda edhe dëmtim të organeve të brendshme.
Alternativa të sigurta
Në vend të picës, pronarët këshillohen të përdorin ushqime të posaçme për qen ose snacks të shëndetshme si karrota, mollë pa bërthama apo biskota të dedikuara për kafshët. Sado t’ju shikojë me sy të lutur kur ju po hani një fetë pice, kujtoni se dashuria për qenin tuaj tregohet duke i ofruar atë që është e sigurt dhe e shëndetshme për të.
