Keni kaluar një ditë të gjatë. Jeni lodhur dhe e vetmja gjë që doni të bëni është të shtriheni për të fjetur. Është kaq tunduese ta anashkaloni larjen e fytyrës dhe përgatitjen e saj për natën.
Por nëse jeni të mirinformuar se çfarë i ndodh lëkurës kur ju flini pa e pastruar dhe pa e trajtuar, herë tjetër do të mendoheshit mirë para se ta anashkalonit rutinën tuaj.
Një krem natë ka përqendrim të lartë të përbërësve hidratues, më të lartë se në kremrat e ditës. Kjo pasi gjatë natës qelizat e lëkurës kanë aktivitetin e tyre më të lartë. Ato riformohen dhe rigjenerohen gjatë natës, ku orarin më aktiv kanë nga ora 23:00 deri në 03:00.
Gjatë gjumit lëkura nuk ka nevojë të mbrohet ndaj rrezeve të diellit dhe elementeve të tjerë të ashpër, prandaj gjatë kohës që lëkura është duke marrë këtë pushim të nevojshëm, trajtimi i saj me elementë ushqyes është i nevojshëm. Ushqyerja e lëkurës gjatë kësaj periudhe është e rëndësishme për ta mbajtur lëkurën të shëndetshme dhe plot rini.
Arsyet pse ju duhet një krem nate
Është tepër e rëndësishme të përdorni krem të ndryshëm nga ai i ditës. Këtu janë tre nga arsyet më të forta se pse keni nevojë për kremin e natës që lëkura të përfitojë maksimumin nga ai:
1.Nuk përmban mbrojtje ndaj diellit. Duke qenë se kremi juaj i ditës duhet të përmbajë faktor mbrojtës ndaj diellit, në mbrëmje nuk keni nevojë për këtë mbrojtje ndaj mund të përdorni një krem me më pak kimikate.
2.Humbja e lagështisë së shtresës epiderme është më e lartë në mbrëmje. Do ju duhet një krem i cili rregullon këtë lloj dehidratimi.
3.Ushqyesit për qelizat e trupit tuaj rigjenerohen gjatë natës ndaj kjo është koha më e mirë për ti dhënë ushqyes lëkurës.
Nata është koha më e mirë për të përfituar nga hidratanti juaj pasi nuk ka elementë që shkaktojnë avullimin apo që dëmtojnë mbrojtjen gjatë natës.
