Kur mendojmë për macet dhe personalitetin e tyre, menjëherë mendojmë për neverinë e tyre për ujin. Ndërsa ky fakt nuk është i vërtetë për të gjitha macet, shumica e tyre preferojnë të mos bien në kontakt me ujin, përveç nëse luajnë me ujin e lavamanit.
Shkencëtarët sugjerojnë se kjo sjellje vjen nga paraardhësit e tyre, pasi speciet e zbutura evoluan në klimat e thata dhe nuk kishin pothuajse asnjë ekspozim ndaj lumenjve ose liqeneve. Historikisht ato janë pasardhëse të maceve që nuk mësuan kurrë të notonin sepse nuk kishin nevojë ta bënin këtë, duke i bërë macet e zbutura të panjohura dhe të painteresuara për ujin.
Por si ka mundësi që maceve u pëlqen të luajnë me ujin e rrjedhshëm? Epo, miqtë tanë me gëzof duket se i shijojnë lëvizjet dhe tingujt e ujit, duke përfshirë edhe enën e tyre me ujë, sepse kjo i kthehet instinktit dhe dëshirës së tyre për të kapur një pre.
Një arsye tjetër për mungesën e interesit të tyre për ujin përfshin edhe paraardhësit e tyre, pasi ata merrnin pjesën më të madhe të ujit që u nevojitej për të mbijetuar.
Maceve gjithashtu nuk u pëlqen të kenë gëzof të lagur, pasi ato janë të njohura për të kaluar shumë kohë duke u kujdesur për veten. Macet nuk i pëlqejnë aromat e ndryshme, gjë që shpjegon edhe pse shumicës së tyre nuk u pëlqen të lahen në vaskë.
